Na hui batein aankho se
Jhuki nigahein thi meri, aur tumhari bhi
Rat guzar gayi yun hi, palak jhapakte hi

Mehfil kuch aisi lagi thi
Tum, tumhara andaz, tumhari awaz, aur vo sukoon
Ki tum is khamoshi ko samajh rahe the
Aakhir pehli mulaqat, pehli shaam me
Sangeet ne bandhe rakha hume

Dhalti gayi sham aur mere khayal
Na thi betabi pas ane ki
Na thi chah door jane ki
Kuch khaas nhi thi baat
Fir bhi ban gayi vo sham khaas

Thi akelepan se dosti
Par aadatein and aahatein thi ek jaisi
Waqt ne kiya zulm aisa
Shaant man chal to diya alag rah par
Par waqt badalne ki aas ke sath

Mile vo fir se, bina wajah se
Mehfil jam gyi ek aur bar
Kambakht neend ne jaise dastak diye
Dhal gaye vo bahon me
Dhal gaye vo ankho me

Lab pe tha kehne ko bahut kuch
Kehne na diya unhone
Ki shayad tum is khamoshi ko samajh rahe the

Kuch khaas nhi thi baat
Fir bhi ban gayi vo sham khaas

-UK