‘aankhein nam nhi hoti aaj’

Pani ki vo lehrein
Chalakti hai jaise, apni hi jagah par
Vo sukoon jo milta hai
Un lehron ko dekh kar

Lagta hai jaise
Khud ki hi tasveer hai
Man ki lehrein
Jo apse batein karna chahti hain

Itne saal bad bhi kuch aram nahi mila
Lagta hai ye bechaini aur sukoon
Zindagi bhar ka sath hai
Aur yehi gum hai aur yehi khushi bhi

Fir bhi aankhein nam nahi hoti aaj
Jee to karta hai ki ek toofan ki tarah
Is jazbat ko kabhi chehre pe le aaun
Lekin dard itna gehra mehsoos hota hai

Ki aankhein nam nahi hoti aaj

Muntazir fir bhi hai us din ka
Jab apke seene se lag ke
Ye toofan kamzor pad jayega

Kyuki
Aankhein nam nahi hoti aaj